Starting Anew

“Mas okay nang alam mong wala kang lugar para sa isang tao. Kesa sa binigyan ka nga niya ng lugar hindi mo naman alam kung saan.”

Ouch.
Ansakit.
Tagos dito oh. *sabay turo sa puso*

Kaya ayoko ‘pag petiks ako sa trabaho eh, kung anu-ano ang nababasa ko online. Kung anu-ano yung nagagawa ko at naiisip ko. Nakakaasar. Nakakagago.

Sabi nila, ‘pag malas ka daw sa pag-ibig, swerte ka sa career. Pag malas ka sa career, swerte ka naman daw sa pag-ibig. Eh bakit ako? Malas na nga sa pag-ibig, malas din sa career. Nyemas! Lahat na yata ng kamalasan nasa akin na e. ‘Yung gusto mo, ayaw sa’yo. Yung ayaw mo, gusto ka. Ang gulo. Lahat na lang komplikado. Lahat na lang hindi pwede.

Minsan, tinanong ako ng isa kong kaibigan.

“Handa ka bang mahalin ang isang taong alam mong hindi mapapasayo?”

Natahimik ako. Napaisip. Ganun ang sitwasyon ko ngayon. Kung hindi man, papunta na siguro dun.

Nakilala ko siya online. Anong bago dun? Uso naman yun ngayon. Naka-chat, nagkapalitan ng number at nakapalagayan ng loob. Nasa probinsiya ako nun, nagbabakasyon. Pagbalik ko, nagkita kame. Pinuntahan niya ako sa bahay. Kain lang at DVD marathon lang.

HOHOL ang set-up. Hang-out, hang-out lang.

Sa simula pa lang naman nilinaw na niya na hindi pa siya ready sa bagong relasyon. Kagagaling lang kasi siya sa isang relasyon na tumagal ng tatlong taon. Gusto daw niya muna ang buhay Single. Naintindihan ko naman. Ayoko din naman mamilit at di ko ugali yun.

Masaya ako sa kasama siya. Di siya sweet na tao pero marunong mag-appreciate. Pero, naisip ko kung patuloy kami sa ganitong set-up, baka di ko mapigilan ang sarili kong mahulog ang loob sa kanya.

Mahirap ang ganun. Ayoko ng one-way relationship. Mali, ayoko ng one-way lang ang nararamdaman. Dapat pareho kame. Hindi pwedeng ako lang ang inlove dahil magkakasakitan lang kame. Ayoko lokohin sarili ko.

Ayaw mo ba sakin?” tanong ko.

“Wala akong sinabi!”  sagot niya.

“Let’s take it slow!”  dagdag niya.

Isang tanong, ayaw sagutin ng diretso. Madali naman akong kausap. Kung ayaw, eh di ayaw. Nilinaw ko na sa kanya yun. Pero, iba ang mga sinasabi niya sa pinaparamdam niya sa akin. Hindi ko siya maintindihan. Wala rin akong karapatan magreklamo.

Last week, niyaya niya ako lumabas ng Martes bago sumapit ang aking kaarawan. Pagdating ng Martes, wala akong narinig tungkol sa lakad. Parang ordinaryong araw lang sa kanya. Hanggang sa nagtext siya na pauwi na siya. Di ko na lang inopen-up tungkol sa lakad. Pero sana sinabihan ako na di tuloy para di na ako umasa. Antanga ko lang, sign na siguro yun para iparating niya na lumayo na ako.

Siguro nga, yun na yun dahil simula nun, naging cold na siya. Naintindihan ko. Tama na siguro. Ayoko na. Di ako manghuhula. Di ako sa Professor X. Okay na rin ‘to, pabor din naman sayo to. Mukhang ‘to rin ang gusto mo. At matagal mo na hinihintay to.

J,

Masaya ako nakilala kita.

Masaya kang kasama.
Swerte ang taong pipiliin mo.
Maiinggit ako sa kanya.
Salamat sa lahat.
Paalam.

Magsisimula na ako ng panibagong buhay.

Mahirap pero kakayanin.
Iba sa nakasanayan pero pipilitin.
Mamimiss kita.

-D

~ by luckwatchero on April 8, 2012.

2 Responses to “Starting Anew”

  1. Aww. I like the last statement.🙂 Followed you!🙂

  2. Just to add, sabi nga nila may isang aspect daw talaga sa life na mamalasin ka. Sa kin, lovelife yun. Apir!😦

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: