Kasiyahan

Ang mga matangkad ba ay para sa matangkad lang?
Maliit sa maliit? Gwapo sa gwapo? Panget sa panget?
Mayaman sa mayaman? Matalino sa matalino? Mahirap sa mahirap?
Jologs sa jologs? Jejemon sa jejemon?

Hindi naman diba? Parati naman talagang may exemption to the rule diba?
Kung ganun, bakit may tinatawag pa tayong standards?
Paano mo masasabi na mataas ang standards ng isang tao?
Eh para saan ba talaga yung standards na yan?

Iisa lang naman ang gusto natin lahat diba?
Ang maging masaya. Ang maging maligaya.
Madali lang naman maging masaya. Pero mas gusto natin dun sa kumplikado?
Yung kelangan nasasaktan muna tayo at nahihirapan bago natin makuha yung gusto natin.
Requirement ba na maramdaman mo yung sinasabi nilang “satisfaction” para masabi mong masaya ka na talaga?

Paano mo ba masasabi na kuntento ka na? May mga tao ba talagang marunong makuntento? Kung meron, bakit may mga tao parin nananakit? Naghihiwalay? Nanloloko? Bakit ba parati natin hinahanap kung ano yung kulang? Hindi ba pwedeng magpakasaya tayo sa kung ano yung meron?

Ang buhay kapag masyadong sineryoso, nakakabaliw.

Bakit kadalasan, yung taong gusto natin eh ayaw satin? Yung may gusto satin eh ayaw naman natin? Naniniwala ka ba na may quota ang pag-ibig?

Ayon sa novela ni Ricky Lee,
“Sa bawat limang umiibig, isa lang ang magiging maligaya. Ang iba, iibig sa di sila iniibig. I iibig nang di natututo. O iibig sa wala. O di iibig kailanman.”

Sino pipiliin mo? Yung taong mahal mo o yung taong mahal ka?
Bakit masakit ang katotohanan na minsan kahit gaano ka ka-sweet, kalambing, ka-close, kabait mo sa isang tao, hindi ka pa din niya kayang mahalin?

Saan ka ba liligaya, sa habangbuhay na pagluha o habangbuhay na pagpapaluha? Minsan kasi, kahit gaano mo kamahal ang isang tao, kailangan mong bitawan kahit gaano mo pa pinahalagahan. Hindi dahil hind mo siya mahal kaya mo siya iiwan, walang matibay na dahilan kundi ang katotohanang hindi ka niya kailangan.

Alin ba ang mas mahirap? Pag-aralang mahalin ang nagmamahal sa iyo o piliting mahalin ka ng mahal mo? Pero paano kung kelan mahal mo na iyong nagmamahal sa iyo saka ka minahal ng mahal mo?

Minsan nga din, dumarating ang pagkakataon na may dalawang taong nagmamahal sa iyo. Pareho ka nilang mahal pero isa lang ang dapat piliin. Sino ang pipiliin mo, iyong handang magparaya o iyong ayaw magpatalo? Ngunit sabi ni Bob Ong, piliin mo daw yung pangalawa. Susundin mo ba siya?

At eto pa, sa mundo daw natin noon kapag nagmahal ka magiging masaya ka dahil sa iyo lang siya. Pero sa mundo natin ngayon, kapag may minahal ka, putsa, malingat ka lang inagaw na ng iba!

Nasa sayo naman yan, kung magpapaagaw ka.
Nasa sayo naman yan, kung hahayaan mo lang siya maagaw ng iba.

Kung darating ang araw na mahanap mo na yung “the one”, ‘wag mo na pakawalan.

Ingatan mo siya.
Alagaan.
Mahalin.
Iibigin.
Pahalagahan.
Intindihin.
Respetuhin.

at higit sa lahat,
‘wag kang mawalan ng oras sa kanya.
Huwag gawing dahilan ang pagiging busy.

Di natin maiwasan na magkaroon ng komplikasyon sa isang relasyon. Kung mangyari man yon, ‘wag na ‘wag kang bibitaw. Hangga’t may natitirang dahilan, hold on.

Diskarte. Atake.
Nasa sayo kung paano ka dumiskarte sa mga oportunidad na ibibigay sayo.
Nasa sayo kung paano ka umatake sa mga problemang haharapin mo.

Sa dami ng mga paraan upang maging masaya, nasa sayo parin kung papano mo gustong makamtan ang kasiyahan na minimithi mo – sa pagibig man yan, trabaho o pamilya.
Sa lagay ko, sa pagibig.

Huwag mong kalimutan ang mga natutunan mo.
Mga tao sa paligid mo lalo na mga mahal mo at mahal ka.
Mga lugar na dinadaan mo.
Mga alaala na nakakapagpapasaya sayo.

Gusto ko maging masaya.
Maligaya.
Maligalig.

Ah, Basta!
Tayo’y magpakasaya!
Sama ka?

~ by luckwatchero on May 17, 2012.

2 Responses to “Kasiyahan”

  1. Isa lang masasabi ko luckwatchero:

    Ouch.

    at isa pa pala:

    bwisit ka.

    hahahaha! peace! feel na feel ko tong post mo.😀

  2. I love this. How can i share this in facebook??

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: